Një 73-vjeçar ka humbur jetën aksidentalisht teksa ishte duke i vënë flakën një grumbulli mbeturinash të degëve të thata. Ngjarja ka ndodhur në fshatin Çërrilë në Memaliaj kur Haki Hasimi, banor i këtij fshati ka mbetur i pajetë teksa ka dashur t’i vendosë flakën një grumbulli mbeturinash të dala pas krasitjes se degeve te ullinjve në një parcelë. Mësohet se kur ka vendosur flaken, zjarri ka marre drejtim të kundert i ndihmuar edhe nga era dhe kësisoj ka prekur edhe trupin e te moshuarit. Ky i fundit ka dashur të shpetojë nga flakët, por ka qenë tepër vonë për të.
Forcat zjarrfikëse të Memaliajt, kanë shkuar në vendngjarje nga ku dhe ndërhynë menjëhere për të bërë të mundur mospërhapjen e flakëve në të gjithë parcelen. Nuk është mundur dot të shpëtohet 73-vjeçari pasi kishte djegie të dukshme në të dy gjymtyrët dhe nuk i rezistoi dot as asfiksisë.
