Një delegacion i nivelit të lartë të Ministrisë së Bashkëpunimit Ekonomik të Gjermanise, të drejtuar nga Volker Oel, Drejtor për Lindjen e Mesme, Evropën Juglindore dhe Lindore dhe Amerikën Latine, përfaqësuesit e GIZ dhe KFW Shqipëri, si dhe kryetari i Bashkisë së Vlorës, Dritan Leli, vizituan sot Impiantin e Trajtimit të Ujërave të Ndotura në Vlorë. Ata u mirëpritën nga drejtoresha e Ujësjellës Kanalizime Vlorë, Elona Hodaj dhe punonjësit e Shoqërisë.
Falë Bashkëpunimit Gjerman për Zhvillim, veçanërisht, Bashkëpunimit Teknik për mbështetje të ngushtë që prej gati 3 vitesh e gjysmë, Ujësjellës Kanalizime Vlorë ka përmirësuar strukturën dhe mbështetjen që jep ndaj konsumatorëve.
Takimi i sotëm me Organizatat e Zhvillimit të Bashkëpunimit Financiar dhe Teknik ishte një mundësi e mirë për të trajtuar qasjet e ardhshme të integruara për zhvillimin e qëndrueshëm urban në lidhje me sektorët e ujit, ujit të ndotur dhe mbeturinave, ku kërkohet bashkëpunim dhe koordinim i ngushtë.
Për funksionimin e trajtimit të ujrave të ndotura, u dha asistencë teknike në disa nivele: menaxhim, proceset teknike dhe dokumentet udhëzuese. Në Vlorë nisën disa projekte pilote të reja:
- Sistemi i trajtimit, funksionimit dhe mirëmbajtjes më QR(kju-ar) Code.
- Laboratori i ujrave të zeza dhe
3.Kampionët automatikë. Kërkesa për të ardhmen është dhënia e mbështetjes teknike, në mënyrë që Ujësjellës Kanalizime dhe Impianti i Trajtimit të Ujrave të Ndotura Vlorë, të ketë një përdorim sa më të qëndrueshëm të burimeve të vëna në dispozicion deri më tani nga Qeveria Gjermane.
