Tash e dy muaj nxënësit dhe studentët kosovarë janë duke ndjekur mësim online për shkak të mbylljes së shkollave pas përhapjes së pandemisë. E problemet me mësim online po paraqiten thuajse çdo ditë. Së fundi një video e siguruar në një prej shkollave të mesme në Prishtinë, shihet se si një nxënëse nuk e dëgjon profesorin pasi që ka qenë në gjumë.
“Zanfina po më duket po e vazhdon gjumin, a po na dëgjoni Zanfina. Na falni që na jemi zgjuar më herët se ti edhe së paku sot e kemi zgjatur jetën më shumë se ti, a po na dëgjon”, e pyet profesori. Derisa nxënësja i përgjigjet profesorit duke i thënë se është ende përgjumshëm. “O prof më fal se hala përgjumshëm, po po prof tu t’dëgju jom”, dëgjohet duke i thënë nxënësja profesorit. Derisa përgjigja ia kthen duke i thënë të kthehet në gjumë sërish. “Kthehu vazhdo, allahile ti për mu deri në 2 – 3 mos hiq mos u qo”, i thotë profesori.Mirëpo gjatë mësimit, profesori nuk tregohet edhe shumë i përmbajtur. Ai nuk respekton rregullat për parandalimin e koronavirusit dhe prek fytyrën.
