Zëvendëskryeministri Erion Braçe ka denoncuar abuzimet flagrante që bëhen me çmimet e perimeve dhe frutave në tregje e Tiranës. Braçe ka marrë si shembull çmimin e qepëve dhe patateve. Këto produkte nga fermerët në Divjakë dhe zona të tjera të vendit shiten me 40 lekë për kg, ndërkohë në tregun e Tiranës ky çmim shkon 120 deri në 180 lekë për kg.
Bëhet fjalë për të njëjtat produkte që blihen vetëm 80 kilometra larg Tiranës, në Divjakë. Nisur nga ky abuzim, Braçe u ka bërë thirrje qytetarëve që të blejnë këto produkte në tregun e Divjakës dhe të shmangin abuzimet e tregtarëve në Tiranë. “Këto janë çmimet e qepës e patates; prej mëngjesit të sotëm, bujqit e Divjakës kanë vendosur: çmimi i qepës së thatë: 40 leke/kg çmimi i patates së re: 40 leke/kg. Boll tregtarët morrën mall pa lekë në Divjake duke u pasuruar ne kurriz të bujqve.
Blini direkt ne Divjakë! Mos blini ne dore te dyte e te trete! Ejani ne Divjake e merrni mallin drejtperdrejte me këto çmime!”,- shkruan Braçe në Facebook teksa publikon një vendim të shoqatës së fermerëve në Divjakë.
