Lionel Messi me shumë mundësi do të rinovojë kontratën e tij me Barcelonën. Edhe pse në ditët e fundit është folur për një superofertë të Paris Saint Germain në drejtim të yllit argjentinas pas takimit që ka patur ditën e enjte babai i futbollistit Jorge Messi me drejtuesit e Barçës, duket se marrëveshja është arritur.
Nga sa raportohet Messi i cili është pjesë e Barçës që nga mosha 13-vjeçare do të qëndrojë te blaugranat edhe për të paktën një dekadë. Messi do të rinovojë kontratën me një ulje të ndjeshme të pagës por në momentin që do të varë këpucët në gozhdë atij do t’i jepet mundësia të ketë një rol drejtuesi në skuadër.
