Presidenti Meta ka dekretuar brenda pak minutash Ministren e re te Arsimit, znj. Evis Kushi. Më herët kryeministri Rama dërgoi për dekretim në postin e ministres së Arsimit emrin e Kushit.
Kushi do të ulet në vendin e lënë bosh nga Besa Shahini pas dorëheqjes së kësaj të fundit. Besa Shahini la zyrtarisht detyrën e saj si ministre e Arsimit pikërisht në ditën e parë të nisjes së vitit të ri akademik shkollor parauniversitar, 14 shtator.
Pa humbur kohë, kryeministri Edi Rama e zëvendësoi atë me deputeten socialiste Evis Kushi, një pedagoge me përvojë në Universitetin e Elbasanit. Vetë Shahini, teksa shprehu dashurinë për Shqipërinë, përmes një statusi në Facebook tha se ishte e zhgënjyer, duke thënë se është ndier e diskriminuar nga sulmet e opozitës për shkak të dialektit të saj.
