Ekipet e Serisë A kanë nisur prej ditësh stërvitjet pasi në mes të qershorit pritet rifillimi i Serisë A. Milani duket një hap prapa rivalëve, pasi kuqezinjtë nuk kanë në dispozicion liderin e ekipit, Zlatan Ibrahimovic.
38-vjeçari është dëmtuar dhe ka nevojë për terapi. Ditën e sotme, sulmuesi ka vendosur të rikthehet në vendlindjen e tij dhe është nisur drejt Suedisë. Klubi kuqezi i ka dhënë leje Ibrës dhe ai është nisur pasdite. Bomberi pritet të mungojë afro një muaj pas lëndimit në pulpë. Fillimisht te Milani ishin frikësuar se dëmtimi mund të ishte më serioz, por për fat të mirë jo.
Sulmuesi i është nënshtruar një seance fizioterapie në mëngjes, para se të nisej në Suedi. Nga 3 qershori ai do të jetë në gjendje të kthehet në Itali, pa pasur nevojë për karantinë.
