Ministri i Brendshëm Sandër Lleshaj ka shprehur kritika në menaxhimin e protestës së sotme nga policia.
Raportohet se Lleshaj ka marrë informacion të detajuar mbi atë çka ndodhi para parlamentit, ku 15 punonjës policie mbetën të plagosur, mes tyre 2 më rëndë, sikurse u plagosën edhe 3 protestues.
Në takim, ministri Sandër Lleshaj ka thirrur nëndrejtoreshën e Policisë së Shtetit Aida Hajnaj, drejtorin e Forcave Lëvizese Operacionale Sokol Bizhga (i cili mbeti i lënduar në shpatull gjate protestës), drejtori i Policisë së Tiranë Kastriot Skenderaj si dhe drejtori i Rendit, Gjovalin Loka.
