Me rastin e realizimit të projektit: “Miqësia historike midis dy kulturave (Shqipëri-Rumani)” – aktivitet muzikor në Vlorë, Korçë dhe Tiranë
Festat Kombëtare të Shqipërisë dhe të Rumanisë po afrojnë! Më 28 Nëntor dhe më 1 Dhjetor shqiptarët dhe rumunët nderojnë përpjekjet dhe sakrificën për sovranitet dhe liri! Midis dy popujve tanë një urë e rëndësishme lidhëse janë arumunët.
Me këtë rast Fondacioni „Harriet Martineau” organizon aktivitetin muzikor me titull: “Miqësia historike midis dy kulturave (Shqipëri-Rumani)”. Drejtor Artistik i këtij aktiviteti është Prof. Dr. Isak Shehu.
Në program janë përzgjedhur vepra nga: Enesku, Zadeja, Porumbesku, Kraja, Gaci, Dimitresku.
Dirigjentë: Alqi Lepuri (Artist i Merituar), Altin Buli.
Solistë: Lorenc Radovani-violinë, Prof. As. Elvis Rudi-Flaut.
Programi
1 – Xhorxhe Enesku, “Prelude à l’Unisson” për orkestër harqesh.
Dirigjent Altin Buli, Orkestra e harqeve të UA.
2 – Nestor Kraja, Kapriçi Simfonik “Vallja e shtrigave”
Dirigjent: Altin Buli, Orkestra Simfonike
3 – Pjetër Gaci, “Baladë për violinë e orkestër”. Orkestroi Gjon Simoni Solist: Lorenc Radovani
Dirigjent: Alqi Lepuri (Artist i Merituar)
4 – Çiprian Porumbesku, “Baladë për violinë e orkestër harqesh”
Solist: Lorenc Radovani
Dirigjent: Alqi Lepuri (Artist i Merituar)
5 – Konstantin Dimitresku, “Valle fshatare” për orkestër
Dirigjent: Altin Buli
Ky projekt realizohet me mbështetjen e Departamentit për Rumunët e Kudondodhur. Përmbajtja e këtij materiali nuk përfaqëson pozicionin zyrtar të Departamentit për Rumunët e Kudondodhur.
