Miratohet në Kuvend pr/rezoluta për përkujtimin dhe nderimin e viktimave të gjenocidit në Srebrenicë. Deputetët kanë rëndë dakord për këtë rezolutë, ndërsa nga ana e opozitës ka pasur debate për shkak se e kanë cilësuar si të pa plotë.
Projektrezoluta për gjenocidin serb në Sebrenicë u miratua me 113 vota pro, ndërsa nuk ka pasur asnjë votë kundër. Pr/rezoluta konfirmon qëndrimin e Shqipërisë se mohimi i gjenocidit është shkelje e ligjit ndërkombëtar.
Kujtojmë se Parlamenti i Austrisë të mërkurën njëzëri ka miratuar një rezolutë për gjenocidin në Srebrenicë, e cila nderon boshnjakët që u vranë në qytet më 11 korrik të vitit 1995, raporton Anadolu Agency (AA).
Rezoluta u kërkon autoriteteve austriake që të vazhdojnë të mbështesin në mënyrë aktive përkujtimin e gjenocidit në Srebrenicë së bashku me anëtarët e tjerë të Bashkimit Evropian.
Miratimi i rezolutës erdhi pas vizitës zyrtare të ministres austriake të Drejtësisë, Alma Zadiç në Bosnjë e Hercegovinë këtë javë.
Në tekstin e rezolutës thuhet se ajo po miratohet me rastin e përkujtimit të 27-të të spastrimit etnik dhe gjenocidit në Srebrenicë, e cila u shpall zonë e mbrojtur me Rezolutën e Këshillit të Sigurimit të OKB-së të 16 prillit 1993.
