Në ditën ndërkombëtare të infermierëve, Urdhri i Infermierit të Shqipërisë ishte pranë Qendrës Kombëtare të Urgjencës Mjekësore, për të shprehur mirënjohjen ndaj punës së palodhur të stafit mjekësor të këtij institucioni, veçanërisht infermierëve, të cilët janë 24 orë në 24 në shërbim të qytetarëve.
Urdhri i infermierit në mënyrë simbolike dhuroi për infermierët e QKUM një kupë, bluza dhe trëndafila të bardhë, për të vlerësuar kontributin e tyre të përditshëm në shërbim të qytetarëve dhe veçanërisht në këto ditë pandemie, të cilët janë duke u përballur me mbingarkesë të punës dhe një situatë aspak të zakontë.
Ndërsa infermierët e QKUM, shprehën edhe njëherë gatishmërinë e tyre, në shërbim të qytetarëve dhe në përmirësimin e ofrimit të shërbimit për ta.
Mirënjohje dhe respekt për infermierët, mirënjohje dhe respekt për stafin mjekësor!
