Ka ndërruar jetë nga Covid-19 ish-nënoficeri Bazës së Pashalimanit, Stefan Miho. Mësohet se ai është ndarë nga jeta në spitalin Sotiria në Athinë, pasi nuk arrti të fitoi betejën me Covid-19. Lajmin e humbjes e ka ndarë vëllai i tij, Aleko Miho, pedagog në Fakultetin e Shkencave të Natyrës.
“U përpëlit me të për rreth dy muaj, ku një muaj ishte në terapi intensive, në spitalin Sotiria në Athinë, por nuk ja doli dot! Ishte rreth moshës 80 vjeçare, por i forte, kujdesej shumë për jetën, edhe si ish ushtarak marine. Përfitoj nga rasti të shpreh mirënjohjen për gjithë përpjekjet e stafit spitalor për ta mbajtur në jetë”, shkruan prof. Miho.
Stefani ishte prind i 5 fëmijëve, të cilët i rriti në një periudhë shumë të vëshirë e plot peripeci. Punoi me ndershmëri dhe përkushtim për mbi 35 vite në Flotën Luftarake Detare në Pashaliman dhe Vlorë, deri sa doli në pension. Periudha e zymtë e tranzicionit shqiptar e detyroi të shkonte me gjithë fëmijët në mërgim. Për të gjitha këto, Stefani nuk reshti së shkruari në kujtimet e tij për Vendlindjen, për Jetën në ushtri, për Periudhën e 1997-ës, tre vëllime të cilat janë botuar prej disa vitesh; madje deri në çastet e fundit ishte duke shkruar kujtime nga jeta në mërgim. Ngushellime të thella Familjes
