Në festën e Birrës në Korçë, në festivalin që po zhvillohet në terminalin e autobusëve, është hedhur dhe gaz lotsjellës nga një i ri, ndërkohë që në skenë është ngjitur këngëtari serb Goran Bregoviç.
Në videon që është siguruar nga Vlora News, shihet se ka fëmijë që qajnë dhe ndihen të frikësuar nga situata e krijuar. Ndërkohë që dëgjohen edhe të rritur që bërtasin, sakaq mësohet se autorët që kanë hedhur gazin janë shoqëruar në polici. Nuk dihet se përse ka ardhur ky veprim nga i riu, por vlen të kujtojmë se ardhja e këngëtarit serb Goran Bregoviç, ka shkaktuar shumë debate në vendin tonë, por edhe në Kosovë.
