Vajza e këngëtarit të njohur Stefi Prifti, Maria kurorëzoi ner martese dashurinë e saj, pas një historie disavjeçare dashurie me partnerin e saj Gëzimin.
Një ndër momentet emocionuese ishte kur artisti shoqëroi të bijën drejt altarit. Ceremonia u mbajt në një nga hotelet luksoze të Tiranës dhe ka qenë private.
Krahas familjarëve të çiftit, kanë qenë të ftuar edhe artistë e kolegë të Stefit dhe të Marias, e cila është soprano me profesion.
Pak ditë para dasmës këngëtari bëri një dedikim emocionues për vajzën në rrjetet sociale ku shkruante:
“Dhe vjen kjo ditë…! Për mua dhe familjen tonë, data 9 shtator është një ditë e shënuar dhe shumë emocionale. Vajza ime, Maria Prifti, dhe dhëndri ynë, Gëzim Meta, kanë vendosur të celebrohen dhe të martohen. Nuk ka gjë më të bukur për mua si baba. Për të qenë i sinqertë me veten, më duhet të them se nuk është aq e lehtë…
Por, jeta kështu është.. Babai dhe nëna të lindin dhe të rritin, shpesh me sakrifica dhe mundime, ndonjëherë me pekuli dhe mundime. Por vjen princi i kaltër dhe të thotë: Tani vajzën e dua unë! Eh, kjo është jeta! Këtu është bukuria dhe trashëgimnia. Të më trashëgohesh çupa e babit! Jetë të lumtur të uron babi! Sa i përket ftesës për shokë e miq, që duan të më urojnë, sot është lajmërimi i parë që unë po bëj, edhe pse shumë gazeta e portale kanë shkruar paraprakisht”.
