Pas eksperiencës fantastike në Big Brother Vip, Monika Lubonja ka qenë e ftuar si mysafire speciale,  në puntatën e sotme në Përputhen Prime, ku sigurisht që dha opinionet e saj.

Ndryshe nga shumë prindër të tjerë, Monika tha se nuk do e kishte problem nëse e  bija do merrte pjesë në këtë program dashurie. Ajo shtoi se nënë e bijë janë të dyja mendjehapura dhe s’do e kishin fare problem.

Duke qëndruar te mendjehapurit, Monika këshilloi të gjithë të rinjtë që të jenë pra mendjehapur dhe të mos kenë frikë ose paragjykime nga thyerja e tabuve.

“Unë jam shumë mendjehapur, Tea po ashtu. Dua t’i përgëzoj këta të rinj për guximin që kanë, thyeni tabutë. A ka mundësi të thyeni tabutë?”, tha Monika.

Gjithashtu, Monika tha se është paragjykuar nga shoqëria në lidhje me divorcin, pro sot nuk i bën më përshtypje dhe rëndësi ka të rrisësh një fëmijë të edukuar dhe të fortë.

“Unë e di çfarë do të thotë të jesh e divorcuar. Kam pas gjithmon guximin për t’i bërë gjërat ndryshe, për të dalë jashtë mentalitetit shqiptar. Unë jam ndier e gjykuar dhe vazhdoj të ndihem e gjykuar, kjo gjë nuk më shqetëson më”, tha ish-banorja e BBV.