Kryeministri Edi Rama e ka nisur mëngjesin me bukturitë përrallore të Valbonës. Ai ka publikuar në ‘Facebook’ një video realizuar me helikopter mbi majat e alpeve. Sipas Ramës, kjo zonë e Tropojës falë investimeve në turizëm vetëm në vitin 2019 u vizitua nga mbi 130 mijë turistë. Kryeministri thekson se edhe shumë producentë të huaj e kanë bërë panoramë të filmave të tyre.
‘Një aventurë e pazakontë ofrohet me helikopter mbi majat e alpeve. Kjo zonë falë investimeve në turizëm vetëm në vitin 2019 u vizitua nga mbi 130 mijë turistë, mes tyre edhe producentë të huaj që kanë zgjedhur Valbonën, panoramë të filmave të tyre’, shkruan Rama.
Kujtojmë që ai ka qenë pjesëmarrës edhe në filmin ‘I love Tropoja’, i cili sipas producentit Ermal Mamaqi ishte një publicitet shumë i mirë për këtë zonë. Ndonëse Rama dhe Mamaqi u gjykuan shumë për rolet e tyre, filmi në fund mori pëlqimin e shumtë të shikuesve.
Valbonë, Tropojë – Një aventurë e pazakontë ofrohet me helikopter mbi majat e alpeve.
Kjo zonë falë investimeve në turizëm vetëm në vitin 2019 u vizitua nga mbi 130 mijë turistë, mes tyre edhe producentë të huaj që kanë zgjedhur Valbonën, panoramë të filmave të tyre 🇦🇱👏
