Zonat veriore dhe qendrore të territorit shqiptar do të mbeten sërish nën dominimin e vranësirave dhe shirave por me intensitet të ulët ndërsa nën ndikimin e alternimeve të kthjellimeve dhe vranësirave të shpeshta dhe pikave të shiut do të paraqiten zonat jugore.
Në majat e maleve do të ketë momente me flokë dëbore. Orët e pasdites vonë do të sjellin përmirësim të dukshëm të kushteve atmosferike në të gjithë territorin e vendit. Temperaturat e ajrit do të pësojnë rënie në të dy vlerat ekstremale ditore duke u luhatur nga 3°C deri në 19°C.
Era do të fryjë mesatarisht me shpejtësi mbi 45 km/h nga drejtimi kryesisht Veriperëndimor duke sjellë në brigjet detare dallgëzim 3 ballë.
Kosova
Orët e paradites në Republikën e Kosovës do të jenë në ndikimin e vranësirave të dendura dhe intervaleve të shkurta me kthjellime në pjesën më të madhe të territorit. Më të dukshme vranësirat do të vijojnë në zonat Veri-Veriperëndimore duke rrezikuar momente me rrebeshe të izoluara shiu, situatë e cila do të vijojë deri vonë në mbrëmje ku pritet përmirësim i dukshme i kushteve meteorologjike në të gjithë Kosovën. Temperaturat e ajror do të pësojnë rënie të lehtë gjatë orëve të mëngjesit, por edhe mesdita sjellë rënie të tyre duke luhatur vlerat ditore nga 2°C deri në 16°C. Për sa i përket, parametrit të erës ajo do të fryjë mesatare përgjatë gjithë ditës duke arritur shpejtësinë mbi 35 km/h nga drejtimi permanent.
Maqedonia e Veriut
Republika e MV në pjesën më të madhe të territorit paraqitet në ndikimin e masave ajrore të paqëndrueshme. Kjo do të bëjë që orët e paradites do të dominohen nga vranësira të shpeshta dhe shira të izoluar por orët e pasdites do të sjellë dobësim të ndjeshëm të vranësirave në pjesën më të madhe të MV duke lënë me vranësira të dendura vetëm zonat Veriore dhe Veriperëndimore duke krijuar mundësi për reshje të pakta shiu e dëbore. Për sa i përket temperaturave të ajrit do të pësojnë rënie të lehtë gjatë orëve të mëngjesit, por mesdita sjell rritje të tyre duke luhatur vlerat ditore nga 2°C deri në 17°C. Era do të fryjë mesatare përgjatë gjithë ditës arritur shpejtësinë maksimale mbi 35 km/h nga drejtimi permanent Verior.
Europa
Gadishulli Skandinav dhe Europa Lindore do të përfshihen nga një tjetër sistem i dendur vranësirash, të cilat do të sjellin reshje të dendura dëbore. Gjithashtu me mot të paqëndrueshëm do të mbeten gadishulli Iberik, Europa Qendrore dhe pjesa më e madhe Rajonit të Ballkanit, ku do të ketë vranësira të shpeshta të cilat do të gjenerojnë reshje shiu si edhe stuhi ere. Ndërsa nën ndikimin e kushteve të qëndrueshme atmosferike do të paraqitet Britania e madhe ku kthjellimet do të jenë dominante.
