Një 16-vjeçare ka ndërruar jetë për shkak të një stuhie të pazakontë në Milano që rrëzoi pemë, shkaktoi përmbytje si dhe dëme të konsiderueshme materiale. Në situatën që italianët e përshkruajnë si apokaliptike, një pemë e rrëzuar për shkak të stuhisë shkaktoi vdekjen e të miturës në Brescia. Një tjetër pemë e shkulur nga stuhia e fortë për pak sa nuk i mori jetën edhe një familjeje.
Në via Corrggio në Monza një familje e cila ishte duke udhëtuar me makinë u godit nga një pemë. Burri ishte në mjet me bashkëshorten dhe vajzën e tij dhe mori dëme të shumta në kokë. Fatmirësisht vajza dhe nëna shpëtuan pa u lënduar ndërsa burri u shtua në spitalin San Gerardo.
Stuhia, e shoqëruar me shkarkime të vazhdueshme rrufesh dhe rrëshqitje të papritura ere, të ngjashme me shpërthime, preku gjithashtu një pjesë të madhe të Brianza-s dhe zonën veriore të Lombardisë dhe arriti kulmin e saj rreth orës 4 të mëngjesit. Parashikimet tregojnë mundësi për reshje të reja.
Stuhia e pazakontë goditi kryeqytetin italian teksa po zbardhej, rreth orës 04:00. Për shkak të stuhisë, zjarrfikësja e Milanos ka marrë me qindra telefonata për çati dëmtuara, përmbytje si dhe mjaft pemë të rëna duke dëmtuar edhe mjetet e banorëve të zonës. Për shkak të stuhive që italianët e kanë përshkruar në rrjete sociale si ‘apokalips’, ATM-të, autobusët dhe tramvaji janë përkohësisht jashtë funksioni. Përpos se në Monza, linjat hekurudhore janë kufizuar edhe në zona të tjera.
I gjithë territori i Italisë është duke u përballur me situatë të pazakontë të motit. Në pjesën jugore të vendit, përkatësisht në disa ishuj të Siçilisë janë hapur disa vatra zjarri të cilat janë favorizuar nga era. Për shkak të kushteve atmosferike është mbyllur përkohësisht aeroporti ndërkombëtar i Palermos. Ndërkohë veriu i Italisë është duke u përballur me reshje shiu e stuhi të pazakonta.
