Territori shqiptar do të jetë nën ndikimin e motit të qëndrueshëm gjatë paradites dhe mesditës, duke bërë që të ketë dominim të kthjellimeve dhe kalime të pakta vranësirash.
Por në orët e pasdites dhe mbrëmjes vranësirat do të bëhen më të dukshme në veri, duke sjellë reshje të pakta dhe të izoluara shiu dhe bore.
Sipas Meteoalb, temperaturat e ajrit do të rriten lehtë në mëngjes në mesditë, duke luhatur vlerat ditore nga -6 gradë deri në 12 gradë celsius.
Era do të fryjë mesatarisht me shpejtësi 45 km/h nga drejtimi verilindor, duke krijuar në brigjet detare dallgëzim 3 ballë.
