Javën e kaluar, presidenti i Serbisë, Aleksandër Vuçiç, fitoi mandatin e tij të tretë. Tashmë dihet që ky njeri urrehet në masë nga shqiptarët, por emsa duket jo nga të gjithë.
Vuçiç duket se ka përkrahës edhe në mesin e shqiptarëve, e një prej tyre është motra e modeles së njohur, Emina Çunmulajt, që quhet Pepi.
Mesa duket ajo është lumturuar shumë për fitoren e Aleksandër Vuçiç, aq sa ka shkuar dhe ka puthur posterin e presidentit në mes të rrugës.
“E ardhmja është e ndritur,”-shkruan ajo krahas postimit. Pepi, me origjinë nga Tuzi i Malit të Zi, jeton prej kohësh në Beograd, ku është e angazhuar në firmën e saj të konsulencave biznesore.
Mesa duket s’ka asnjë problem me të shkuarën e tij dhe mbështet hapur presidentin serb. Ndërsa motra e saj, Emina, është gjithmonë aktive sa herë ka zgjedhje në Mal të Zi, duke përkrahur veçanërisht Nik Gjeloshajn.
Sigurisht që ky veprim i motrës së modeles shqiptare nuk është pritur mirë nga ndjekësit e saj në Instagram, që kanë filluar ta shprehin direkt pakënaqësinë e tyre për këtë veprim.
