Një histori mjaft e veçantë vjen nga Bangladeshi, ku një i ri pa këmbë asnjëherë nuk hoqi dorë nga ëndrra e tij për të luajtur futboll dhe tani edhe pse me aftësi të kufizuara, arrin të luajë.
Mohammad Abdullah, 22 vjeç nga Bangladeshi i humbi këmbët në një aksident horror 10 vjet më parë, teksa kishte rrëshqitur mbi shina kur treni po kalonte. Megjithatë, ai kurrë nuk u dorëzua.
Mohammad u braktis nga familja që kur ai ishte i vogël. Pas ngjarjes së tmerrshme jeta e tij u bë akoma më e vështirë, por ai është një djalë me kurajë dhe sot ka arritur përveçse të ecë sërish, megjithëse pa këmbë, arrin të bëjë një punë si hamall në port, por i është rikthyer edhe dëshirës së tij të të luajtur futboll. Duket e pabesueshme, por Mohammad luan i barabartë me shokët e tij. Ai ka idhull Ronalon dhe shpreson që një ditë ta takojë atë.
