SHBA-Kompania bioteknologjike amerikane, Moderna, së fundmi ka njoftuar se ka filluar bisedimet me shumë vende për furnizimin e vaksinën eksperimentale kundër koronavirusit, të quajtur mRNA-1273.
Mediat e huaja bëjnë të ditur se kompania tashmë ka marrë rreth 400 milionë dollarë amerikanë për të bërë furnizimin. Javën e kaluar Moderna Inc. ka filluar fazën e fundit të provave klinike në 30 mijë njerëz për të demonstruar se kandidati për vaksinë ishte efektive dhe e sigurt . Mësohet se çmimi i vaksinës së Moderna është caktuar 32 $ – 37 $ për dozë.
Sakaq, CEO i Moderna Stephane Bancel në konferencë tha: Ne po punojmë me qeveritë në mbarë botën për të siguruar që një vaksinë kundër Covid-19 të jetë e arritshme. Në Moderna, si shumë ekspertë, ne besojmë se virusi nuk po largohet pa gjetjen e një vaksine.
Bancel tha që vaksina do të ketë çmim “shumë të ulët” gjatë periudhës së pandemisë dhe çmimet do të ndjekin tregun tradicional në përputhje me vaksinat e tjera tregtare. “Ne do të punojmë me tregun,” tha Bancel.
Vaksina eksperimentale e Modernës, e cila po zhvillohet me ndihmën e Institutit Kombëtar të Shëndetësisë, përmban material gjenetik të quajtur RNA ose mRNA, për të cilën shkencëtarët shpresojnë që provokojnë sistemin imunitar për të luftuar virusin.
Në të gjithë botën, prodhuesit farmaceutikë po garojnë të zhvillojnë një vaksinë të sigurt dhe efektive kundër pandemisë që ka marrë më shumë se 700 mijë jetë në gjithë botën. Burimi: cnbc
