Policia Rrugore e Vlorës ka bërë bilancin e saj në 14 ditët e fundit. Sipas asaj që raporton Policia Rrugore e qytetit bregdetar, 5 shoferë janë arrestuar në dy javët e fundit, për shkak të drejtimit të makinës në gjendje të dehur. Gjithashtu, janë vendosur në total mbi 6300 masa administrative ndaj shoferëve në qytetin jugor.
Njoftimi i policisë:
Policia Rrugore në Vlorë dhe Sarandë, e pranishme, në të gjitha akset rrugore të qarkut, me qëllim rritjen e parametrave të sigurisë rrugore. Kontrollet e shërbimeve të Policisë Rrugore, me pajisje të logjistikës bashkëkohore, kanë si qëllim: Parandalimin e aksidenteve rrugore me pasoja për jetën e përdoruesve të rrugës. Rritjen e parametrave të sigurisë rrugore dhe lehtësimin e qarkullimit në qytet dhe në akset lidhëse.
Intensifikimin e masave kundër çdo shkeljeje. Për periudhën, janë vënë në pranga 5️ drejtues mjetesh, për drejtim mjeti në gjendje të dehur/pa leje drejtimi, si dhe janë vendosur 6300 masa administrative, konkretisht: Zbatoni rregullat e qarkullimit rrugor dhe kallëzoni në numrin pa pagesë, çdo rast të shkeljes së tyre.
