Zlatan Ibrahimovic do të rikthehet në futbollin evropian pas eksperiencës së suksesshme në Shtetet e Bashkuara të Amerikës. Sulmuesi suedez mund të vazhdojë karrierën në Itali, ku është bërë objektiv i Napolit. Pronari i klubit, Aurelio De Laurentiis është i vendosur ta transferojë veteranin e sulmit.
Bisedimet në mes të palëve kanë nisur dhe Ibra mund t’i bashkohet trajnerit Carlo Ancelotti në “San Paolo”. 38 vjeçari i kaloi vitet e fundit në ekipin Los Angeles Galaxy në ligën MLS. Për të po ashtu flitet se mund të rikthehet në njërin prej ish-klubeve të tij, Inter, Milan apo Manchester United.
