Ka ndërruar jetë ish-ambasadori i Bashkimit Europian në Shqipëri, Helmuth Lohan. Ai mori detyrën e kreut të delegacionit të BE në vendin tonë në shtator të vitit 2006, dëri në shtator të 2010, detyrë që ia pasoi ambasadorit Ettore Sequi.
Lajmin për ndarjen e tij nga jeta e ka dhënë ish-ministri i jashtëm shqiptar Ditmir Bushati, i cili shkruan:
Me keqardhje mësova për ndarjen nga jeta të ish Ambasadorit të Bashkimit Europian në Shqipëri, Helmuth Lohan. Përveç se një mik i çmuar, Helmuth Lohan ishte një burrë i përkorë dhe njohës i shkëlqyer i makinerisë e burokracisë europiane. Vitet e shërbimit të tij në Shqipëri përkojnë me përpjekjet tona për të hedhur hapin e parë, atë të aplikimit për anëtarësim në Bashkimin Europian.
