Ambientalisti Sazan Guri i ftuar në Fax News për të diskutuar mbi ndërtimin e HEC-it në Kanionet e Holtës në Gramsh u shpreh se do të ngrejë një padi ndaj kësaj çështje.
Ai theksoi se me dërgimin në gjykatë të kësaj çështje do të kërkohet masa e sigurisë, për ndalimin e ndërtimeve dhe jo vetëm për pezullimin.
“Padia ka të bëjë më shumë me HEC-et. Çuarja në Gjykatën e Shkallës së Parë është që të ndalohet ndërtimi, por duhet pak mirëkuptim dhe mbështetje e banorëve.
Komuniteti anashkalohet pasi u thuhet që nuk ke punë me pronën, por mbro pronën tënde, por duke e përfshirë komunitetin në një shoqatë mjedisore, kjo e fundit ka të drejtën që të mbrojë pronën publike dhe interesin e qytetarëve.
Ne do të kërkojmë një masë sigurie që të ndalohet ndërtimi dhe jo vetëm pezullim siç ka ndodhur. Pezullimi është përkohësisht. Me masë sigurie e ndalon me argumenta dhe me fakte shkencore.”- deklaroi Sazan Guri.
