Ndeshjet me qen dhe bastet për këto organizime në Shqipëri janë të ndaluara në ligj. Por në Vlorë prej muajsh organizime të tilla janë kthyer në shqetësim. Banorët e qytetit kanë denoncuar në RTV Ora një rast të tillë, duke kërkuar ndërhyrje të menjëhershme. Këto pamje nuk i përkasin ndeshjeve me qen në vende të botës, por zhvillohen pikërisht në Vlorë. Madje nuk janë përleshje që janë bërë vite të shkuara, por vijojnë aktualisht.
Mësohet se personi që i organizon është edhe veteriner, por dhe përfaqësues publik apo zyrtar i lartë i mazhorancës në qytetin bregdetar. Së fundi në parlament është miratuar dhe ligji për mbrojtjen e kafshëve. Madje bashkitë shpenzojnë miliona lekë për mbajtjen e tyre, apo dhe dhënien e ilaçeve, por mesa duket për funksionarët kjo nuk funksionon.
