Janë mbi 4700 qytetarë pjesë e shtresave të margjinalizuara, apo kategori të veçanta për 8 muajt e parë të vitit 2023 që kanë përfituar nga shërbimi për ndihmë juridike falas që ofrohet në 20 zyra të ngritura në vend si dhe në 15 organizata jo fitim prurëse.
Sipas Ergys Qiricit, Drejtor i Drejtorisë së Ndihmës Juridike Falas, konfliktet civile zënë pjesë më të madhe, ndjekur nga konfiktet administrative, në fund ato penale.
“Viktimat dhunës në familje, janë 690 qytetarë të cilët kanë marrë ndihmë juridike parësore dhe 74 vendime gjykatash përsa i përket ndihmës gjyqsore. Mbi 63 përqind përfituese janë femra dhe 37 përqind janë meshkuj. Numër të lartë ka edhe për te miturit”, deklaron Qiriçi.
Por një ndihmë juridike falas, përkthehet në kosto për buxhetin e shtetit.
”Për vitin 2020 janë paguar afërsisht 9.9 milion lekë e cila ka të bëjë me pagesat që i bëhet avokatëve, eksperteve. Në rastin e një divorci kostoja shkon deri në 1 milion lekë”, tha ai.
Me shkrirjen e gjykatave, lindi nevoja për shtimin e më shumë zyrave të ndihmës ligjore falas.
Gazetare: Hersilda Dyrmishi
/rtsh.al/
