Ish-ministri i Rendit, Spartak Poçi ka dhënë disa detaje të cilat sipas tij paraprinë largimin e tij nga detyra. I ftuar në emisionin “Top Story” në Top Channel, Poçi hedh hije të forta dyshimi mbi ndikimet që kishte banda e Lushnjës në atë kohë. Ai u shpreh se banda e dinte për largimin e tij nga posti dhe thekson se me ardhjen e ministrit të ri në krye të postit, u hoqën të gjithë njerëzit e tij nga ky institucion.
“Patjetër ka pasur plane, jo vetëm nga banda e Lushnjës, por edhe nga qarqe tjera kriminale. Më shumë kanë qenë presione të padukshme që u konkretizuan edhe në finale në largimin tim nga kjo detyrë.
Ajo që të bën të mendosh se disa anëtarë të bandës e dinin që unë do lëvizja, edhe ky ishte pak a shumë një e dhënë e pakëndshme. Dhe ajo që ra më shumë në sy me ikjen time ministri që erdhi pas meje filloi pastrimet, po për të hequr njerëzit e Poçit”, thotë Spartak Poçi, ish – Ministër i Rendit.
Unë jam shkarkuar, shkarkuar..transferuar në një detyrë tjetër në 7 nëntor, kurse në 8 nëntor ishte planifikuar të niste aksioni i madh i goditjes trafiqeve, i koordinuar me disa vende jo ballkanike, madje e dija dy ditë përpara që nuk do zhvillohej”, tha ai.
