Është e rëndësishme që dietat që bëni të jenë të ekuilibruara, në mënyrë që mos t’ju shkaktojnë probleme shëndetësore në të ardhmen. Dietat e pabalancuara lënë shenja në organizëm dhe në momentin e parë që organizmi do të jetë i dobët ose me kalimin e viteve, ju do të vuani pasojat.

Dieta për humbje peshe;

Zgjat 1 muaj
humb 4 kg
kalori 1500
Për të humbur kilogramë nuk është e nevojshme të hash pak, të numërosh kaloritë e çdo pjate ose të peshosh ushqimet që do të konsumosh, madje të pretendosh të hash sa një fëmijë i vogël.

Ta shikojmë problemin në një tjetër perspektivë… Ndryshoni sjelljet… Si fillim ushtrohuni që të rrisni metabolizmin… Nuk ke kohë për palestër?! As 2-3 herë në javë?! Provoni të ecni 1 orë në ditë, të ngjisni shkallët ose të lëvizni me biçikletë në fundjavë. Po kështu nga ushqimet eliminoni yndyrat, si: gjalpi, vaji ose margarina, djathërat e yndyrshëm, frutat e thata, ëmbëlsirat, që janë dhe armiqtë më të mëdhenj të fizikut tuaj.

Konsumoni sa më shumë peshk, perime, jeshillëqe e bishtajore, që janë të pasura me potas dhe fibra për të stimuluar zorrët. Preferoni mënyra gatimi që nuk kërkojnë yndyra, si: të gatuara në avull, në furrë dhe në grilë.

E hënë

Mëngjesi: kafe ose çaj jeshil, 2 feta bukë integrale, 50 g djathë i freskët.
Paradite: 2 mandarina.
Dreka: sallatë jeshile me domate, asparag, lakër dhe 5 kokrra ullinj të zinj, 150 g mish viçi.
Pasdite: 5 luleshtrydhe.
Darka: supë orizi me perime, 150 g qefull i zier, 1 kos.

E martë

Mëngjesi: lëng portokalli, 2 biskota integrale me pak gjalpë dhe mjaltë.
Paradite: 6 bajame.
Dreka: sallatë me lakra të gjalla me një mollë të grirë, 150 g pule në grilë me majdanoz e hudhër.
Pasdite: 1 kokërr hurmë.
Darka: patëllxhanë e speca në furrë, 100 g proshutë e tymosur, 1 mollë jeshile.

E mërkurë

Mëngjesi: kafe, 2 biskota me gjalpë e marmelatë.
Pasdite: 1 filxhan çaji me selino e majdanoz.
Dreka: sallatë me djathë të grirë e karota, rizoto me perime.
Pasdite: çaj jeshil me një biskotë integrale.
Darka: asparag të zier, peshk në grilë, 1 kumbull.

E enjte

Mëngjesi: lëng portokalli, 1 briosh integral.
Paradite: 1 portokall.
Dreka: sallatë me thjerrëza, kaperi e domate, fileto peshku në skarë, 1 kos.
Pasdite: kos frutash.
Darka: peshk bakala në furrë me perime, 1 frutë.

E premte

Mëngjesi: kafe ose çaj, 2 feta bukë integrale të thekura me pak gjalpë.
Paradite: lëng portokalli me karotë.
Dreka: sallatë me domate, me djathë mocarela dhe qepë, 150 g mish lepuri në skarë, 1 frutë.
Pasdite: 1/2 avokado.
Darka: sallatë me qepë, karota e djathë, 150 g troftë në skarë, 1 frutë.

E shtunë

Mëngjesi: kafe ose çaj, 2 biskota integrale me gjalpë e mjaltë.
Paradite: 5 thelpinj arra.
Dreka: karçiof në furrë, shishqebap me perime e mish viçi.
Pasdite: lëng panxhari e karote.
Darka: pure kungujsh, 2 vezë të ziera, 1 kuti me salmon ose ton, 1 kos.

E diel

Mëngjesi: kafe ose çaj, 2 feta bukë integrale me marmelatë.
Paradite: lëng qitroje.
Dreka: supë me perime mikse, fileto me kërpudha.
Pasdite: kos frutash.
Darka: asparagë të bardhë me majonezë light, 1 kos pa yndyrë me fruta.