Policia rrugore ka vënë në pranga mëngjesin e sotëm shtetasin me iniciale R. M., 36 vjeç, banues në Hysoverdhë, Vlorë nën akuzën se tentoi të largohej me mjetin që e drejtonte pa leje drejtimi dhe ka d hunuar fizikisht punonjësin e Policisë “Në aksin rrugor Vlorë-Gjorm, shërbimet e Policisë Rrugore, i kanë bërë shenjë ndalimi mjetit tip “Benz”, drejtuesi i të cilit nuk i është bindur urdhrit të punonjësit të Policisë dhe është larguar.
Pas disa minuta ndjekjeje, punonjësit e Policisë Rrugore e kanë ndaluar dhe në momentin që po i komunikonin shkeljen ky shtetas ka dalë nga makina dhe ka d hunuar fizikisht punonjësin e Policisë. Pas ndërhyrjes së menjëhershme të kolegut është p rangosur dhe shoqëruar në Komisariatin e Policisë Vlorë shtetasi R. M., dhe nga verifikimi i kryer ka rezultuar se drejtonte mjetin pa lejen përkatëse.”- thuhet në njoftimin e policisë. Materialet hetimore iu referuan Prokurorisë së Rrethit Gjyqësor Vlorë, për veprat penale “Kundërshtimi i punonjësit të policisë së rendit publik”, dhe “Drejtim mjeti në mënyrë të parregullt”.
