Ministria e Ekonomisë, Kulturës dhe Inovacionit, tashmë si një dikaster i ri i krijuar nga kryeministri i Shqipërisë Edi Rama, do të ketë një zv/ministër të ri.
Në mbledhjen e qeverisë të drejtuar nga zv/kryeministrja Belinda Balluku, kjo e fundit ka njoftuar se zv/ministre do të emërohet Lira Pepa.
Kush është Lira Pepa?
Lira Pepa, gjatë viteve 2016 – 2019, ka dhënë kontributin e saj si specialiste pranë Drejtorisë së Komunikimit Publik, në Agjencinë e Parqeve dhe Rekreacionit. Që prej vitit 2019, ajo i është pjesë e stafit të Drejtorisë së Përgjithshme të Shërbimeve të Transportit Rrugor, institucion në varësi të Ministrisë së Infrastrukturës dhe Energjisë, në pozicionin e Drejtorit të Kabinetit.
