Konsumimi i pijeve me gaz shkakton probleme serioze me shëndetin tuaj, kjo për shkak të kombinimit të sheqerit, kimikateve dhe dyoksidit te karbonit.
Sheqeri që marrim nga pijet me gaz do të kalojë në gjakun tuaj duke shtuar nivelin e
glukozës në gjak. Një nga efektet e dukshme anësore të pijeve me gaz është rreziku i shtimit të peshës nga kaloritë dhe sheqeri. Një masë prej 340 gramesh përmban rreth 150 kalori dhe deri në 40 gram sheqer. Pirja e një dite do të thotë të marrësh më shumë se 130.000 kalori shtesë në vit ose 15 kilogramë të shtuar.
Insulina do të shmanget nga pankreasi për të ndihmuar transportimin e sheqerit në muskuj për të prodhuar energji. Këto pije të gazuara përmbajnë më tepër sec kanë nevojë muskujt tuaj. Ky sheqer shtesë, në vend që të ruhet në indet e muskujve, konvertohet në yndyrë në mëlçi.
Edhe veshka juaj vihet në “lojë” për të ndihmuar në heqjen e sheqerit të tepërt përmes urinës. Kjo do të thotë që trupi juaj humbet ujin, i cili, së bashku me efektin diuretik të kafeinës në sode, rrit rrezikun e dehidratimit.
Gjithashtu studiuesit kanë thënë se pijet me gaz plakin trupin tuaj përpara kohe.
Studiuesit nga Universiteti i Kalifornisë, San Francisko, zbuluan se njerëzit që pinë më shumë pije me gaz kishin skajet më të shkurtra të kromozomeve të tyre, të njohura si telomere. Kur telomeret janë më të shkurtër, qelizat nuk mund të rigjenerohen sa më shpejt, që do të thotë se do të ndodhë një plakje më e shpejtë e trupit. Kjo mund të çojë në sëmundjet e zemrës, diabeti dhe disa lloje të kancerit, dhe (pa dyshim) një jetëgjatësi më të shkurtër.
Gjithashtu pijet me gaz rrisin rrezikun e sëmundjeve të zemrës. Konsumimi i 340 gram sode në ditë rrit rrezikun me 20 për qind e një sulmi në zemër. Pijet e gazuara kanë qenë gjithashtu të lidhura me nivele më të larta të triglicerideve dhe nivele të ulëta të HDL, ose kolesterolit, të cilat të gjitha çojnë në funksionimin e dobët të zemrës.
