Negociatat/ Holanda zyrtarizon “Jo”-në për Shqipërinë, dritë jeshile për Maqedoninë e Veriut

Qeveria e Holandës ka zyrtarizuar vendimin e saj kundër thirrjes së tryezës së parë ndërqeveritare mes Shqipërisë dhe Bashkimit Evropian. Është kjo tryezë që konfirmon nisjen zyrtare të negociatave, por sipas Holandës, vendi ynë nuk ka plotësuar ende kushtet e kërkuara nga Këshilli Evropian. Ngritja e Gjykatës Kushtetuese, Gjykatës së Lartë dhe lufta kundër korrupsionit e krimit të organizuar mbeten për holandezet, kushte të paplotësuara nga Qeveria Shqiptare. Në këtë situatë, Qeveria holandeze propozon që negociatat me Tiranën të zyrtarizohen në një moment tjetër. Sa i përket Maqedonisë së Veriut, Amsterdami zyrtar nuk ka nxjerrë asnjë pengesë dhe se tryeza e parë ndërqeveritare mund të thirret sa po të jetë gati korniza e negociatave. Vendimet e Qeverisë i kanë kaluar tashmë Parlamentit holandez, që do të marrë vendimin përfundimtar.ORANEWS