Kjo është 81-vjecarja Xhemaile Tema nga Ishmi. Në 26 nëntor rrënojat e banesës e zunë poshtë, por fatmirësisht familjarët arritën ta shpëtonin.
“Më ranë dy kanatet e djalit në shpinë. Më tërhoqi nusja me gjithë rrëshqanthi, pasi kishte qenë në gjumë të parë. Thash ore zot i madh, paskam qenë tepër. Tani më janë ngjallur gishtat e këmbëve. Kemi parë vdekjen para syve. Qysh kur ka rënë ky tërmet e këndej nuk jemi në binarë”
Nënë Xhemailja tregon se lëkundjet e forta të tërmetit ia shkatërruan shtëpinë ku jetonin 10 persona.
Që prej asaj kohe kanë jetuar në çadër por i ftohti i detyroi të riktheheshin në banesën që rrezikon të shembet e gjitha.
“Jemi me grip, u plevitosëm në çadër, kemi ardhur këtu, dhe jemi në ditë të zezë.”
Nënë Xhemailja i bën thirrje kryeministrit që ta ndihmojë sa më parë pasi nuk ka se ku të shkojë së bashku me anëtarët e tjerë të familjes.oranews
