Ditën e nesërme në orën 17:00 pritet që Kuvendi të zhvillojë një seancë të jashtëzakonshme.
Seanca do të mblidhet me kërkesë të kryeministrit Edi Rama dhe dhe kryetari të Kuvendit, Gramoz Ruçi për shkarkimin dhe miratimin e dekreteve të ministrave të rinj.
“Bazuar në nenin 74, pikat 2 dhe 3 të Kushtetutës dhe në nenin 42, pika 2 të Rregullores së Kuvendit, me kërkesë të Kryeministrit, njoftojmë se Kuvendi i Shqipërisë do të mblidhet në sesion të jashtëzakonshëm.
Kryetari i Kuvendit ka nxjerrë urdhrin nr. 1, datë 15.1.2019 me rendin e ditës të përcaktuar.
Bashkëlidhur kërkesa e Kryeministrit dhe urdhri i Kryetarit të Kuvendit”, thuhet ne njoftimin e Kuvendit.
Ndërkohë që opozita ka konfirmuar se nuk do të jetë e pranishme në Kuvend. Kujtojmë se opozita, kryesisht Partia Demokratike është shprehur për të vijuar bojkotin, ndërkohë që LSI dhe partitë e tjera opozitare janë shprehur për bojkot të kushtëzuar.
