Ylli brazilian i futbollit, Neymar JR, ka filluar ta rikthejë vetën në qendër të vëmendjes me deklaratat dhe postimet e fundit në rrjetet sociale. Neymar gjatë gjithë afatit kalimtar ka qenë lidhur me një kalim të mundshëm drejt La Liga, me Barcelonën, por edhe Real Madrid si destinacione të mundshme.
Së fundmi, ai është kthyer të flas për përmbysjen që bëri me Barcelonën, ndaj skuadrës së tij aktuale, PSG. “Dy nga shokët e skuadrës besonin se PSG kishte skuadër të fortë, besonin se veçse ishin kualifikuar” ka thënë Neymar për ‘DAZN’, transmeton lajmi.net.
“Por, unë u ngrita dhe u thashë: “Ju jeni shokët e mi, ushtroni me mua, por duket sikur nuk besoni se mund ta rikthejmë lojën. Ne do ta përmbysim situatën, ju premtoj se do të shënoj dy gola” ka zbuluar braziliani t’u ketë thënë shokëve të skuadrës. Neymar shënonte gol nga gjuajtja e lirë dhe nga pika e bardhë e 11 metërshit, për të dhënë në fund edhe asistimin nokautues për PSG.
