Leonard Skaboni, 60-vjeçari, i cili i dha fund jetës duke u vetëhedhur nga spitali “Shefqet Ndroqi” nuk do t’i jepet lamtumira e fundit sipas traditës. Abcnews.al mëson se trupi i pajetë i 60-vjeçarit do të dërgohet nga morgu në banesën e fundit, duke mos kryer kështu ceremoni mortore për v iktimën.
Ngjarja e rëndë ndodhi mbrëmë pak pa mesnate. 60-vjeçari, i cili jetonte i vetëm ishte shtruar ditën e shtunë në spital, pasi ishte konfirmuar pozitiv me koronavirus, ndërsa gjendja e tij ishte përkeqësuar. Ndër të tjera mësohet se viktima vuante dhe nga probleme të shëndetit mendor. Ndërkohë policia ka sekuestruar kartelën mjekësore të pacientit dhe ka marrë në pyetje mjekët e turnit për të zbardhur ngjarjen. g.v/abcnews.al
