Redon Xhixha është një nga talentet më premtues të Kategorisë Superiore. Edhe pse vetëm 21 vjeç, këtë sezon ai ka shënuar 10 gola në kampionat dhe në Kupë. Talenti i kurbinasve ka tërhequr vëmendjen e të gjithëve edhe për mënyrë se si ai i feston golat e tij.
Xhixha duket se është i fiksuar për mënyrën se si i feston golat, duke kopjuar disi yjet e futbollit botëror. Sulmuesi ka vendosur të postojë në profilin e tij zyrtar disa nga festimet e tij të veçanta, ku imiton sulmues si Ronaldo, Griezmann, Neymar, Haaland dhe Piatek.
