Bëhuni gati të gozhdoheni para ekranit të RTV Ora dhe të shihni një spektakël të vërtetë. Sezoni i tretë i “Why Not” do të fillojë së shpejti.
Në puntatën e sotme, moderatorja dhe autorja e programit “Why Not”, Roza Lati na prezantoi me stafin duke sjellë një ‘Making Of’, së bashku me risitë.
Kuratori vizual i studiove të RTV Ora dhe Ora News, Klod Dedja kishte menduar një surprizë për Roza Latin, e cila do ndryshojë totalisht pamjen e studios.
Klod Dedja: Kjo është poltrona jote, ngjyra jote. Një e kuqe e bukur, për të cilën edhe Ora Neës ka një të kuqen e vet, dhe me konceptin e një produkti që do mbajë për shumë kohë. Do jesh e ulur në këtë kolltuk të bukur, elegant dhe kjo është ngjyra jote që do të shoqërojë këtë vit.
Ndërsa kryeredaktori i emisionit, Ergys Bamci premtoi se javën e ardhshme do të shohin një spektakël të vërtetë në “Why Not”.
Ergys Bamci: Tani jemi tek pika 0, por puntatën e parë do jetë një spektakël i vërtetë. Ti je e paparashikueshme, por ke në krah dhe një partner në krim. Mbetet që të të jap një përqafim dhe të të uroj një sezon të mbarë, bashkë me neve.
Nuk mungoi falenderimi i moderatores për të gjithë stafin që e shoqëron.
Roza Lati: Bashkë me ju. Unë nuk mund të bëj një Why Not pa ty Ergys Bamci, pa Kenën, pa gjithë stafin, pa gjithë RTV Ora.
