Një person ka qëlluar në ajër në Memaliaj ditën e djeshme dhe si pasojë e të shtënave nuk ka pasur të plagosur. Mësohet se është qëlluar ndaj makinës së avokatit A.Z.
Burimet shpjegojnë se shkak ka qenë një konflikt për pronat.
Vëllai i avokatit të identifikuar me inicialet A.Z ka patur konflikte të vazhdueshme për pronësinë e një toke.
Mbrëmjen e djeshme makina e avokatit në të cilën ndodhej edhe nipi i tij është qëlluar nga një person, i cili më pas është vetëdorëzuar.
Policia ka dhënë detaje për ngjarjen e mbrëmshme në Memaliaj, ku një shtetas kanosi me armë zjarri një avokat dhe nipin e tij, ndërsa udhëtonin me makinë.
Avokat Andrea Zotaj pjese e Dhomës së Avokatisë Gjirokaster, i ka shpëtuar mrekullisht një atentati të kryer në orët e mbremjes së djeshme.
Ngjarja ka ndodhur në rrugën e vjetër të fshatit Qesarat teksa avokat Zotaj i shoqëruar nga nipi i tij ishin duke shkuar në zone me autoveturen e tyre. Ndërsa, sipas burimeve policore, u kishte zënë pritë Fatos Lamaj 36 vjeç nga fshati Anë Vjosë Njesia Administrative Qesarat Bashkia Memaliaj.
“Mbrëmjen e djeshme, qëlloi me armë zjarri në ajër, për të kanosur 2 shtetas, kapet menjëherë pas ngjarjes dhe vihet në pranga 41-vjeçari.
Gjendet arma e zjarrit (pushkë), të cilën 41-vjeçari e fshehu në një zonë të pyllëzuar, dhe sekuestrohet bashkë me municion luftarak.
Menjëherë pas njoftimit të marrë më datë 28.03.2024, rreth orës 19:30, se në fshatin Qesarat, ishte qëlluar me armë zjarri, në ajër, specialistët e Seksionit për Hetimin e Krimeve të Stacionit të Policisë Memaliaj organizuan punën dhe shkuan në vendngjarje, me qëllim zbardhjen e rrethanave të rastit dhe arrestimin e autorit/ëve.
Si rezultat i veprimeve të shpejta operacionale, shërbimet e Policisë kapën dhe vunë në pranga autorin e dyshuar të këtij rasti, shtetasin F. L., 41 vjeç, banues në Memaliaj.
Nga hetimet e deritanishme dyshohet se ky shtetas, për motive të dobëta, ka qëlluar me armë zjarri (pushkë), në ajër, me qëllim kanosjen e shtetasve A. Z., 54 vjeç dhe E. Z., 34 vjeç, të afërm të njëri-tjetrit, të dy banues më fshatin Anë Vjosë. Më pas, ai ka fshehur armën e zjarrit, në një zonë të pyllëzuar, në fshatin Qesarat.
Arma e zjarrit u gjet nga shërbimet e Policisë dhe u sekuestrua në cilësinë e provës materiale, së bashku me disa fishekë.
Materialet procedurale i kaluan Prokurorisë, për veprime të mëtejshme”- njoftoi policia.
