Categories Lajme

Ngjarje e rëndë në SHBA, merret peng vajza 13-vjeçare

Një i ri ka vrarë prindërit e një 13-vjeçarje, për të rrëmbyer vajzën. Vrasja e tmerrshme ndodhi në muajin tetor, raporton policia.

Jake Thomas Patterson u arrestua me dy akuza, atë të vrasjes së shkallës së parë dhe akuzë për rrëmbim.

Jayme Closs u gjet e gjallë nga fqinjët e të dyshuarit të enjten. Ajo ishte arratisur në këmbë nga një shtëpi ku mbahej kundër vullnetit, pas vrasjes së prindërve të saj.

Jayme u ribashkua me tezen e saj, raportuan zyrtarët, ndërsa nuk zbuluan arsyen pse u rrëmbye.

Policia tha se 21-vjeçari nuk kishte kontakt në rrjetet sociale as me vajzës dhe as me ndonjë anëtar tjetër të familjes së saj.

“Është i pabesueshëm, vullneti i asaj vajze 13 vjeçare për të mbijetuar dhe shpëtuar”, tha policia.

Jayme u gjet të enjten në qytetin e Gordon, rreth 110 km larg nga shtëpia e saj në Barron.

Patterson u arrestua 11 minuta më vonë falë një përshkrimi që vajza i bëri automjetit të tij.

Ende nuk dihet se si Jayme iku nga shtëpia ku mbahej e rrëmbyer dhe sesi i dyshuari e mbajti atje.

Policia tregoi se i dyshuari nuk kishte në shtëpi kur 13-vjeçarja u largua dhe se ai po e kërkonte me makinë kur u arrestua.

Ishte një mësuese në zonë që po shëtiste qenin, e cila gjeti Jayme.

Jeanne Nutter tha për Associated Press se vajza kishte bërtitur: “Të lutem më ndihmo, nuk e di ku jam, kam humbur.”

Nutter rrëfeu se vajza ishte e dobët, me rroba të piste dhe mbante veshur këpucë shumë të mëdha se numri i këmbës së saj.

Zona ku u gjet Jayme është një komunitet i largët me rreth 30 shtëpi afër lumit Eau Claire, raportoi Star Tribune.

Patterson nuk ka precedentë kriminal në shtetin e Wisconsin.

Jayme Closs u zhduk të hënën më 15 tetor 2018, pasi shërbimet e emergjencës morën një telefonatë nga shtëpia e saj. Ata dëgjuan vetëm zhurma në telefon dhe askush nuk foli.

Kur policia mbërriti në shtëpi katër minuta më vonë, gjetën prindërit e saj, James dhe Denise Closs, të vrarë.

Në shtëpi nuk asnjë shenjë të Jayme, të armës së krimit apo të vrasësit.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Arrestohet 20-vjeçari i shpallur në kërkim për trafik droge në Durrës

Është arrestuar një 20-vjeçar në Durrës. Orito Mema banues në Durrës,akuzohet për veprën penale “Prodhimi…

LEXO ME SHUME
Categories Lajme

Greqi/ Vdes nga vapa 23-vjeçari shqiptar me aftësi të veçanta, arrestohen prindërit e tij

Në Greqi një 23-vjeçar shqiptar ka ndërruar jetë për shkak të temperaturave të larta. Mediat…

LEXO ME SHUME
Categories Lajme

Pas radhës kilometrike të mjeteve, hiqet përkohësisht pagesa në autostradën Thumanë-Kashar

Pas skandalit të mëngjesit të sotëm me trafikun kilometrik nga aksi Thumanë-Kashar, mësohet se është…

LEXO ME SHUME
Categories Lajme

Vihen nën kontroll flakët në Llogara, drejtori i zjarrfikëses: Zjarri patjetër që ka dorën e njeriut

Zjarri që ra pasditen e djeshme në Llogara është vënë nën kontroll, ndërsa po punohet…

LEXO ME SHUME
Categories Lajme

Detaje/ Euro, blloqe dhe telefona, çfarë iu sekuestrua Beqajt dhe bashkëpunëtorëve pas kontrollit në banesë dhe zyrë

Pas më shumë se një viti hetimesh, ish-ministri i Shëndetësisë Ilir Beqaj është vënë sot…

LEXO ME SHUME