Për këtë vendim që SPAK të ngrihet me tetë prokurorë, ka folur edhe Gent Ibrahimi, kreu i KLP-së. Ai është shprehur se deri në dhjetor do të bëhet ngritja e SPAK. “Për momentin ne mund të emërojmë vetëm tetë persona. Deri në dhjetor ne do të kemi ngritjen e SPAK. Ne kemi bërë këtë gjë, që brenda 30 ditëve do të merremi me emërimin e tetë prokurorëve. Nuk mundëm të vendosim edhe dy prokurorët e përkohshëm edhe pse Kushtetuta na lejon numrin dhjetë dysheme. Ne po emërojmë prokurorë, ne nuk marrim një vendim, ne bëjmë emërime.”, u shpreh ai.
Prokurorët pjesë e SPAK janë: Altin Dumani, Arben Kraja, Klodian Braho, Enkeleda Millonaj, Edvin Kondili, Ened Nakuçi, Elida Kaçkini, Behar Dibra.
Të larguarit nga gara: Aktualisht për Strukturën e Posaçme Hetimore, janë pikëzuar vetëm tetë kandidatë të cilët kanë kaluar vetting-un, nga 15 të klasifikuar nga KLP-ja.
Prokurori Ndini Tavani është tërhequr nga gara dhe tashmë është rrëzuar nga Vettingu, kurse Besnik Muçi është zgjedhur anëtar në Gjykatën Kushtetuese. Ndërsa kandidatja Manjola Kajana është ankimuar dhe aktualisht është në KPA. Po kështu prokurorët Anton Martini, Elisabeta Imeraj, Anila Jella dhe Doloreza Musabelliu nuk kaluar ende në fazën e parë të Vettingut.
