Njerëzit rrezikojnë të jetojnë në një “botë të zbrazët” nëse nuk ndalojmë zhdukjen masive të jetës së egër. Njerëzit rrezikojnë të jetojnë në një “botë të zbrazët” të zhveshur nga jeta e tyre e egër, ka paralajmëruar një shefe e lartë e United Nations, raporton “The Sun”, transmeton lajmi.net. Elizabeth Maruma Mrema, shefe e biodiversitetit në United Nations, tha se njerëzimi do të “heqë dorë nga planeti” nëse udhëheqësit botërorë nuk mund të arrijnë një marrëveshje këtë vit për të ndaluar zhdukjen masive të jetës së egër.
Një raport i mëparshëm i United Nations zbuloi se një në tetë specie në tokë janë në rrezik për zhdukje për shkak të aktiviteteve njerëzore. Nëse lejohet të vazhdojë, kjo humbje në shkallë të gjerë e jetës së egër do të ketë pasoja “katastrofike” për shoqërinë, paralajmëroi Mrema.
“Jetët e njerëzve varen nga biodiversiteti në mënyra që nuk janë gjithmonë të dukshme ose vlerësohen” tha ajo. Humbja e specieve bimore dhe shtazore do të jetë një temë kryesore e diskutimit dhe është theksuar si një rrezik më i madh për planetin tonë sesa sëmundjet infektive dhe sulmet terroriste.
