Njerëzit që janë të prekur nga Covid-19, sipas një studimi të ri, kanë më shumë të ngjarë ta transmetojnë virusin në pesë ditët e para pas shfaqjes së simptomave.
Autorët e studimit të botuar nga revista mjekësore ”The Lancet Microbe”, thanë të enjten se gjetjet kanë nënvizuar nevojën për të identifikuar herët të infektuarit me Covid-19 dhe rëndësinë e izolimit të rasteve. Të kuptuarit se kur pacientët kanë më shumë të ngjarë të transmetojnë virusin është një bërë një rëndësi kritike për shëndetin publik në mënyrë që të kontrollohet më lehtë përhapja globale e Covid-19.
”Ky është rishikimi i parë dhe meta-analiza e parë sistematike që ka shqyrtuar dhe krahasuar në mënyrë gjithëpërfshirëse ngarkesën virale. Studimi sugjeron se pse SARS-CoV-2 [që shkakton sëmundjen Covid-19] përhapet në mënyrë më efikase sesa SARS-CoV dhe MERS-CoV dhe është më i vështirë për t’u kontrolluar”,-tha autori kryesor i studimit Dr. Muge Cevik nga University of St Andrews në Skoci.
