Deputetja demokrate Ina Zhupa zhvilloi sot një takim me qytetarët dhe bizneset e vogla në Sarandë për situatën ekonomike që po kalon vendi si dhe për të shpjeguar disa propozime të PD që i vijnë në ndihmë atyre.
Gjatë takimit me një tregtare ajo i tregoi se ka kohë që nuk i vjen dikush të blejë me lek letre por vetëm qindarka që mezi i mbledhin. Partia Demokratike ka çuar në Kuvend një iniciativë ligjore për propozimin e uljes së TVSH-së për produktet ushqimore të shportës nga 20% në 6%.
Zhupa thotë se me këtë masë nxitet konsumi dhe u vijnë në ndihmë qytetarëve dhe biznesve që janë gati në prag falimentimi. “E kemi për detyrë që ti shërbejmë me çdo mundësi qytetarëve dhe vetëm ky do të jetë misioni jonë” shkruan Zhupa në një postim në facebook.
