Policia rrugore e kryeqyetit në vigjilje të festës së ndërrimit të viteve kanë shtuar patrullimet në të gjitha rrugët e qytetit, me qëllim parandalimin e ngjarjeve të rënda rrugore.
Me anë të një postimi në Facebook, Policia e Shtetit i ka bërë apel të gjithë drejtuesve të mjeteve për kujdes të shtuar para dhe pas ndërrimit të viteve duke mos harruar që të urojë edhe Vitin e Ri 2019.
“Të shmanget drejtimi i mjeteve pas përdorimit të pijeve alkoolike, sepse policia rrugore nuk do tolerojë në asnjë moment shkeljet që rrezikojnë jetën tuaj dhe të tjerëve, duke kthyer momentet festive në dëshpërim apo më shumë se aq,”- shkruan Policia e Shtetit.
