Elton John rrëfen marrëdhënien e vështirë me të ëmën I njohur jo vetëm për hitet e tij, por dhe për homoseksualitetin, Elton John aq sa ka fansa ka dhe persona që nuk e kanë pëlqyer kurrë, përfshirë këtu edhe nënën e tij.
Në një intervistë që këngëtari dha për “CBS Sunday Morning” ai tregoi se vetëm në momentet e fundit të jetës së nënës së tij, ai kishte bërë paqe me të, por në realitet asnjëri nuk e duronte dot tjetrin.
John u shpreh se ajo nuk ka qenë dakord me marrëdhënien që ai kishte më David Furnish, aq sa nuk pranoi kurrë të takojë atë dhe fëmijët e tyre.
Megjithatë Elton tha se ai ndihet i lumtur që fëmijët e tij nuk e takuan gjyshen e tyre, pasi do të merrnin të njëjtën përbuzje dhe kritika siç kishte marrë dhe ai.
72-vjeçari ka rrëfyer se ndonëse nëna i thoshte se e donte, e gjitha kjo ishte një farsë pasi midis tyre ekzistonte vetëm respekti dhe asgjë tjetër. Për marrëdhënien e keqe me të ëmën, artisti i njohur ka shkruar dhe në librin e tij autobiografik të titulluar “Me”, që pritet të publikohet në 15 Tetor. Klan Plus
