Ne jemi të gjithë të ndryshëm në mënyrën tonë, por shpesh e harrojmë këtë fakt dhe fillojmë t’i gjykojmë të tjerët. Një person me aftësi të kufizuar përballet me shumë vështirësi gjatë ditës dhe gjatë jetës së tij, duke filluar nga punësimi, transporti publik e kështu me radhë.
Akoma është e mundur që t’u bëjmë ballë sfidave në jetë dhe të realizojmë ëndrrat tona edhe pse dikush mund të jetë me aftësi të kufizuar, dhe Micheal Coyne është një shembull i mirë. Ky atlet olimpik është me autizëm, çrregullim të hiperaktivitetit të defiçitit të vëmendjes (ADHD) dhe çrregullimi bipolar. Kur ai mbushi 21-vjeç, ai filloi të aplikonte për punë të ndryshme, por asnjëherë nuk mori përgjigje pozitive.
Ai shpjegon se ka aplikuar në shumë vende, dhe askush nuk dëshiron ta punësoj atë edhe pse ai ka përfunduar një program në spital për të fituar aftësitë e kërkuara që duhet të ketë një punëtor. Kështu Michael nuk hoqi dorë edhe pse askush nuk e pranoi në punë, ai vendosi që të hapë lokalin e tij dhe të fillojë një biznes të vetin. Ai mori mësime në lidhje me biznesin dhe e hapi lokalin tij me emrin “Red, White & Brew Coffeehouse”.
