Instituti Kombëtar i Shëndetësisë Publike në Kosovë ka njoftuar se gjatë 24 oprëve të fundit janë konfirmuar 4 raste të reja. Në një njoftim për mediat bëhet me dije se numri i të shëruar në ditën e fundit është 19. IKSHPK bën të ditur se janë testuar gjithsej 332 mostra të marra nga Klinika Infektive dhe gjurmimi i kontakteve të rasteve në terren dhe vetëm 4 prej tyre kanë rezultuar pozitivë. Siç thuhet në njoftim, rastet pozitive janë raste kontakti nga: komuna e Vushtrrisë tri raste dhe një rast me vendbanim në Përlepnicë-Gjilan.
“Sot më 28 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 332 mostra të marra nga Klinika Infektive dhe gjurmimi i kontakteve të rasteve në terren. Me SARS-CoV-2, janë konfirmuar 4 raste. Rastet pozitive janë raste kontakti nga: komuna e Vushtrrisë 3 raste (sipas vendbanimit: 3 raste Stanovc) dhe 1 rast me vendbanim në Përlepnicë-Gjilan. Sot më 28 maj 2020, janë shëruar 19 pacientë derisa numri i përgjithshëm i të shëruarve deri më sot është gjithsej 820 raste.
Nga data 08 shkurt deri më 28 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 14.324 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.052 raste, me gjithsej 30 raste të vdekjes të cilët kanë pasur sëmundje të tjera shoqëruese.
Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome. Në nivel global, nga data 31 dhjetor 2019 deri më 28 maj 2020 sipas Ëorldometers, janë raportuar gjithsej 5.854.248 raste dhe 359.812 raste të vdekjes”, shkruhet në njoftim.
